Diolch Sam…
Credwn fod eich gwaith yn haeddu cydnabyddiaeth!
Arddangosiad o’r arfer gorau yng Nghymru
Rydyn ni i gyd yn dysgu oddi wrth ein gilydd. Ym mhob maes bywyd, mae pobl ym mhob sector yn codi safonau ac yn gwella’r modd y maen nhw’n gweithio drwy rannu syniadau, profiadau ac enghreifftiau o arfer gorau. A dyna yw pwrpas ein harweiniad Arfer Gorau.
Dros yr ychydig fisoedd diwethaf, rydym wedi bod yn casglu arweiniad cynhwysfawr i’r enghreifftiau gorau o Waith Ieuenctid yng Nghymru. Mae’r arweiniad yn cynnwys adolygiad o dros 40 o weithgareddau a phrosiectau ac mae’n arddangosiad o ragoriaeth Gwaith Ieuenctid. Gobeithio y bydd yn eich ysbrydoli.
Lawr lwythwch arweiniad Arfer Gorau Gwaith Ieuenctid
Y 40 uchaf: Y Deugain syniad uchaf ar gyfer eich grŵp
Dyma gyfle arall i chi ddewis rhai syniadau newydd gwych ar gyfer eich grŵp gweithgaredd. Rydym wedi rhestru 40 o’n hoff syniadau prosiect wedi’u casglu ar ôl ymgynghori gyda’n cydweithwyr ledled y wlad. Mae pob un o’r gweithgareddau hyn wedi digwydd go iawn, felly os byddwch chi’n teimlo eu bod braidd yn uchelgeisiol - meddyliwch eto. Pan fydd gweithwyr ieuenctid a phobl ifanc yn gweithio mewn tîm i wneud i bethau weithio - mae’n anhygoel yr hyn y gellir ei gyflawni.
Y 40 Syniad Gorau
- Beth am greu fforwm pobl ifanc?
- Cynhaliwch eich trafodaeth eich hun ar weithgareddau sgiliau bywyd. Gall y rhain fod yn smwddio, diogelwch yn y cartref, coginio eich prydau eich hun, glanweithdra bwyd – unrhyw beth rydych chi’n ei hoffi!
- Ceisiwch greu eich lleoliad eich hun lle gallwch chi a’ch ffrindiau gyfarfod a bod gyda ffrindiau. Gallai hyn gynnwys pethau fel bwrdd pŵl, teledu sgrin lydan, system gerddoriaeth, systemau gêmau – a hyd yn oed soffa neu ddwy!
- Adeiladwch eich wal ddringo ar gyfer y gymuned i gyd. Bydd hon yn cynnig her gyffrous a hwyliog i bawb!
- Codwch arian yn eich ardal a theithio i wlad arall i weithio gyda phobl ar brosiect cymorth yn y gymuned. Bydd hyn yn gwneud gwahaniaeth go iawn nid yn unig i fywydau eraill ond i’r bobl ifanc hefyd.
- Helpwch bobl ifanc i greu eu ffilm eu hunain i ddelio â phroblemau budreddi a sbwriel yn eich ardal leol. Bydd hyn yn annog pobl i lanhau o’u cwmpas a gwneud eich ardal yn lle mwy diogel a iachach i fod ynddi.
- Trefnwch ddyddiau allan i bobl ag anableddau a’u cynnwys nhw mewn gweithgareddau na fydden nhw fel arfer yn eu gwneud. Gall y rhain gynnwys pethau fel crochenwaith, paentio, marchogaeth, dringo a hyd yn oed nofio.
- Beth am greu ymgyrch ar gyfer rhywbeth y mae pobl ifanc wirioneddol eisiau iddo ddigwydd yn eu hardal, fel cael parc sgrialfyrddio pwrpasol?
- Helpwch bobl ifanc i ysgrifennu a chyhoeddi llyfryn am rywbeth y maen nhw’n teimlo’n gryf amdano ac yna ei ddosbarthu i bobl ifanc eraill. Po fwyaf niferus y bobl fydd yn ei ddarllen, po fwyaf y bobl fydd yn dod i wybod amdano. Mae’n bosibl y byddan nhw hyd yn oed yn cynnig helpu i ddarganfod dulliau i’w ddatrys.
- Sefydlwch grŵp o wirfoddolwyr i greu clwb ar ôl ysgol i helpu cyd ddisgyblion ac athrawon a phlant ag anghenion arbennig. Anogwch sgiliau arwain a gweithio mewn tîm.
- Cynhaliwch eich noson gwobrau “Oscars” eich hun. Gofynnwch i bobl ifanc wneud eu ffilmiau eu hunain ar bynciau fel bwlio, cyffuriau a iechyd. Bydd yn rhoi gwell dealltwriaeth am y pynciau hyn a bydd yn llawer o hwyl ac yn gyfareddol hefyd!
- Beth am sefydlu ardal gadwraeth ac annog pobl ifanc i ofalu am eu hamgylchedd naturiol? Gall pobl ifanc drwsio llwybrau a gwneud cefn gwlad yn well lle i bawb.
- Dyluniwch wefan i bobl ifanc gasglu eu syniadau. Mae’n ddull gwych i rannu syniadau gyda’r gymuned ac i gydweithio i wneud gwahaniaeth go iawn.
- Beth am gynnal noson wobrwyo i ddathlu cyflawniadau lleol. Gall hyn fod yn unrhyw beth o arddwriaeth, cyfrifiaduron, i chwaraeon a hyfforddiant ffitrwydd.
- Ysgrifennwch a dyluniwch gylchgrawn gyda phobl ifanc i amlygu eu problemau a dathlu cyflawniadau’r gymuned.
- Beth am greu dogfen ar faterion sy’n effeithio ar bobl ifanc a gwahodd pawb yn eich cymuned i ddod i’w gweld? Mae’n gyfle gwych i bobl ifanc ddweud eu barn a gwneud gwahaniaeth go iawn.
- Trefnwch ddiwrnod llawn gweithgareddau. Gallwch gynnal gweithgareddau fel pêl droed, rygbi, nofio neu feicio. Bydd pobl ifanc yn cael hwyl ac yn cadw’n iach ar yr un pryd.
- Beth am gael pobl ifanc i ddysgu am wahanol ddiwylliannau yn eich cymuned a gwneud ffrindiau newydd? Byddan nhw’n dysgu am fwydydd newydd, dillad ynghyd â chelf a chrefft o bob rhan o’r byd.
- Trefnwch gêm o rygbi gyda thîm lleol a gofynnwch i’ch ffrindiau gymryd rhan! Gall y bobl ifanc werthu tocynnau i’w ffrindiau a’u teulu i ddod i’w gwylio hwy hefyd!
- Trefnwch weithdy dawns yn eich ardal leol! Meddyliwch sut bydd y bobl ifanc yn teimlo wrth eich gwylio’n perfformio!
- Trefnwch gystadleuaeth dalent. Gallai fod yn debyg i “Britain’s Got Talent”. Gallwch hyd yn oed gael eich beirniaid eich hunain gyda rowndiau cynderfynol a therfynol hefyd. Bydd yn gyfle gwych i bobl ifanc ddarganfod sgiliau nad oedden nhw’n gwybod oedd ganddyn nhw.
- Beth am gynnal noson Karaoke a dawns? Mae’n ddull gwych i bobl ifanc fwynhau eu hunain a chadw’n heini.
- Cefnogwch bobl ifanc wrth ffurfio eu band eu hunain ac anogwch nhw i chwarae mewn lleoliad gerllaw. Bydd yn daith gerddorol na fyddwch chi’n ei hanghofio a byddwch yn falch ohoni.
- Ewch i ddiwrnod adeiladu tîm wedi’i drefnu. Bydd yn rhoi her i bawb ac yn gwneud i chi feddwl mewn ffordd newydd.
- Trefnwch un neu ddau ddigwyddiad codi arian ar gyfer achos da. Bydd o fudd nid yn unig i’r bobl ifanc ond hefyd i’r bobl o’ch cwmpas.
- Trefnwch sesiynau profi yn eich ardal leol i gynnwys llawer o weithgareddau cyffrous, gan gynnwys cyfryngau digidol, paentio ac addurno neu hyd yn oed sgiliau syrcas! Peidiwch â bod ag ofn cynnig pethau newydd nad ydych wedi’u trefnu erioed o’r blaen.
- Ymchwiliwch i dreftadaeth eich cymuned a chreu coeden achau. Byddwch chi i gyd yn darganfod cymaint o bethau diddorol nad oeddech chi’n eu gwybod cyn hyn. Gall y bobl ifanc hyd yn oed greu eu gwefan eu hunain i ddangos y canlyniadau.
- Anogwch y bobl ifanc i ennill sgiliau ac ymlacio! Crëwch gyfleoedd i fynd ar gyrsiau. Mae digon o ddewis allan yno i ddysgu ar bob lefel ym mhob pwnc.
- Trefnwch noson gwis a sicrhau eu bod yn dysgu rhywbeth! Gallwch wneud y cwestiynau mor hawdd neu mor anodd ag y dymunwch a chael gwobrau i’r tîm gorau hyd yn oed!
- Trefnwch noson ffilmiau gydag afalau taffi, cŵn poeth a kebabs ffrwythau. Gallwch hefyd gynnal eich twrnament Wii eich hunain.
- Byddwch yn dditectif! Gallwch gynnal noson Cluedo fawr gyda diodydd di-alcohol. Gallwch hyd yn oed ofyn i’r bobl ifanc wisgo gwisg ffansi i osgoi cael eu hadnabod!
- Mask-erade! Gofynnwch i’r bobl ifanc ddylunio eu masgiau eu hunain a’u gwisgo gyda balchder i’w harddangos! Gallwch gael gwobrau am y cynllun mwyaf dychmygus gyda hwyl, gêmau a disgo hefyd!
- Cynhaliwch aduniad ysgol i hel atgofion! Bydd y bobl ifanc yn gweld ffrindiau nad ydynt wedi’u gweld am amser maith a chael parti.
- Trefnwch gêm o bêl ‘dodge’ neu bêl foli. Beth amdani - mae’n bosibl y byddan nhw’n mwynhau!
- Trefnwch i bobl ifanc ddysgu symudiadau dawns newydd ar gyfer y llain dawnsio! Beth am drefnu dosbarth dawnsio bol neu ddawns stryd?
- Methu â choginio? Ddim am goginio? Beth am drefnu cystadleuaeth goginio ar gyfer y bobl ifanc a gwneud a gwerthu byrbrydau iach.
- Beth am drefnu rhaglen chwaraeon? Gall y bobl ifanc chwarae pêl droed am awr ac yna rhoi cynnig ar rywbeth arall o’u dewis. Mae’n ddull gwych o ddysgu a chadw’n heini ar yr un pryd!
- Cynhaliwch noson agored. Anogwch bobl ifanc i fynd i’ch clwb ieuenctid a darganfod yr hyn maen nhw wedi bod yn ei golli. Gallan nhw gymryd rhan mewn llawer o weithgareddau cyffrous ac mae’n ddull da o wneud ffrindiau newydd.
- Beth am fod yn lân? Cynhaliwch ddiwrnod codi sbwriel a glanhau gan wneud eich cymuned leol yn lle mwy diogel a iach i fyw ynddi. Yn sicr ddigon, dyma’r ffordd orau i wneud gwahaniaeth!
- Trefnwch i bobl ifanc gysylltu â’u ffrindiau i redeg y clwb ieuenctid am ddiwrnod. Byddan nhw’n darganfod sgiliau nad oedden nhw’n gwybod oedd ganddyn nhw.
Dolenni Defnyddiol i Safleoedd Eraill
Rydym wedi ceisio creu dolenni sy'n berthnasol ac yn addas i ddefnyddwyr ein gwefan, ond ni allwn fod yn gyfrifol am gynnwys unrhyw un o'r safleoedd hyn.