Diolch Sam…
am noson ragorol!

Cafwyd Noson Wobrwyo Rhagoriaeth mewn Gwaith Ieuenctid yng Nghymru 2010 yn Stadiwm SWALEC, Caerdydd ar Fawrth 18 ac roedd hi’n noson i’w chofio. Rhannwyd y gwobrau’n ddau gategori – Gweithwyr Ieuenctid Unigol a Phrosiectau Ieuenctid, a chyhoeddwyd naw enillydd ar batrwm noson yr ‘Oscars’. Ond nid noson am ennill a cholli oedd hon. Roedd hi’n noson am ddathlu. Gall pob un o’r cystadleuwyr deimlo’n hynod falch o’r hyn maent wedi’i gyflawni. Roedd eu cydweithwyr a’u cymheiriaid proffesiynol wedi’u henwi fel esiamplau ysbrydolgar o ragoriaeth ac roedd y gwobrau hyn yn gyfle i ni ddweud diolch ar ran yr holl bobl ifainc sy’n mwynhau gwell bywydau o’u herwydd.

Cofiwch, mae bod yn enillydd neu’n gystadleuydd yn y rownd derfynol am y gwobrau hyn yn gyflawniad rhagorol. Mae’n newyddion mawr iawn, ac mae’n newyddion y dylai pawb ei rannu yn ein barn ni. Felly rydym wedi llwytho’r lluniau oedd yn y llyfryn coffaol a’r clipiau fideo o bawb oedd yn y rownd derfynol a chwaraewyd i’r gynulleidfa ar y noson.

Cymerwch y cyfle i lawrlwytho beth bynnag y byddwch ei angen i’n helpu i ddathlu cyflawniad ein henillwyr a’r bobl yn y rownd derfynol drwy ddefnyddio’r fideos a’r lluniau yma yn eich defnydd cyhoeddusrwydd. Dyma eich cyfle i ddweud ‘Diolch Sam’ i’r bobl ymroddedig, dawnus ac arbennig iawn oedd yn y rownd derfynol!

Lluniau o’r noson

Ar gael hefyd mae’r lluniau a dynnwyd ar y noson. Gallwch weld a lawrlwytho’r rhain drwy fynd i: www.ontrac-events.com/youthawards2010/gallery.php

Y cyfrinair yw ThanksSam2010

Lawrlwytho’r llyfryn coffaol

Cliciwch ar eicon y llyfryn i lawrlwytho fersiwn sgrin o’r llyfryn.

Prosiectau

Gweithwyr Ieuenctid Unigol

Caniatâd Ffotograffig

Cofiwch os gwelwch yn dda ein bod wedi gorfod cael caniatâd i ddangos ffilmiau a ffotograffau gan bob oedolyn sydd yn y lluniau a’r fideos. Hefyd roedd yn rhaid i bawb dan 18 oed a ffilmiwyd neu y tynnwyd eu lluniau ddarparu ffurflen y Cynulliad wedi’i harwyddo gan riant neu warcheidwad fel prawf o’u caniatâd.

Er bod ein hasiantaeth wedi ymdrechu i sicrhau eu bod wedi derbyn caniatâd ysgrifenedig gan bawb perthnasol, ni allwn gael ein dal yn gyfrifol am unrhyw un sydd wedi disgyn drwy’r rhwyd ac sydd heb roi ffurflen i ni.

Felly mae’n hanfodol deall bod yn rhaid i chi fod yn hollol siŵr fod pob oedolyn neu berson ifanc sydd yn y lluniau neu’r fideos a ddefnyddiwch wedi rhoi eu caniatâd. Gallwch gyfeirio at y ffeil atodol. Mae’n dangos y bobl sydd, yn ein barn ni, wedi ymddangos yn y fideos a’r lluniau ac mae’n rhestru’r rheiny sydd wedi darparu ffurflenni caniatâd. Gwiriwch y rhestr cyn i chi gyhoeddi unrhyw ddefnydd os gwelwch yn dda. Diolch am eich cymorth gyda’r mater pwysig hwn.

Angen ffurflen?

Os byddwch yn canfod bod un o’r bobl yn eich llun neu fideo heb arwyddo ffurflen ganiatâd, lawrlwythwch gopi a’i anfon atom yn y cyfeiriad ar y ffurflen.

Ffurflen Ganiatâd i Ffotograffau ar gyfer Oedolion
Ffurflen Ganiatâd i Ffotograffau ar gyfer Pobl Ifainc

Dolenni Defnyddiol i Safleoedd Eraill

www.wales.gov.uk

www.careerswales.com

www.wlga.gov.uk

www.cwvys.org.uk

www.wcva.org.uk

Rydym wedi ceisio creu dolenni sy'n berthnasol ac yn addas i ddefnyddwyr ein gwefan, ond ni allwn fod yn gyfrifol am gynnwys unrhyw un o'r safleoedd hyn.